REDAMANCEY 10

REDAMANCEY 

CHAPTER : TEN

ZIAKTU : OLACEE RUSSEL 

Ka hawi chhuah chuan khua a lo êng uar tawh a, ka tlaivar chiang ngei mai, ka mit a thip thum a, ka lu a na ngut ngut bawk. Ka tho chhuak a, damdawi ka ei ta nghal a, ka zia mai chuan ka ring. Vawiin hi inrinni a ni a, Ruatsanga ka lo tiam tawh ang ngeiin park-ah kalpui ka duh a, kar tirah khan ka book lawk vek tawh bawk. A duh ang chu ka theih phawt chuan tihpui zel ka duh a, ka ngaihsak a ni tih hi ka tawngkam mai ni lo, ka chezia thlenga a tam thei ang ber tih lan ka duh a. Nuin a fa tana hmangaihna a pek theih ang zawng zawng pek ka duh bawk, ka dawn loh, ka lo awh thin thil tam takte nen!

Zing dar 5 a rik chuan Ruatsanga chu ka kai tho a, ka tih fai leh te te hnuah zingkar boruak tha dawng turin kan chhuak zui nghal a, la hma viau nângin motor tlan erawh hmuh tur a tam leh tawh hle. Kan nufa chuan kan inzui ve zel a, boruak a thiang tha bawk a, ka harh hawk a ni mai, ka luna pawh zia tawh tak a ni. Hriatpuia nena kan inthen tirh khan Aizawl bengchheng lutuk kha ngaiah ka nei thei lo a, A in awmna reh leh fal raih, boruak tha zawng zawng a awm bik emaw tih tur kha ngaiah ka nei a, a nuam ka lo ti viau a ni tih te ka hre chhuak thar a. Kan inneih laia tho tlai viau thin kha kan inthen tak hnu khan mut ka harsat a, ka nau pai laia doctor-in zingkar boruak tha dawng tura ka theih ang chin chin vak harh tur a min hrilh khan ka zawm tha viau a, ngaiah ka nei ta hial a ni.

Kan haw lamah chuan muang changin kan haw a, "I ke a kham em?", ti a ka zawh chuan a kham loh thuin min lo chhang a, ka melh leh zeuh thin a, ka pawm ang che ka tih lahin a duh der lo a, nidangah pawm a ngen chuk chuk thin kha a ni sia. Ke in in a kal thleng ve ta thak a, ka inbualtir nghal a, thawmhnaw te ka hak tir zawh chuan ka inbual ve leh a. Breakfast kan ei nghal a, kan ei zawh chuan dar 8 a lo ri der tawh a. Naupang tih takah parka kal tur kan ni tih a lo hre leh reng reng tawh lo a, ka hrilh chuan a han phur thar leh a, a tih turte a sawi siam siam a, a phur hmel leh hlim hmel chu lungawi zet a melhin ka lo nuihpui ve a.

Ka chhuah meuh chuan dar 9 a ri fel tawh a, Tanhril lam panin kan tlan a, kan kalna tur a hlat deuh vanga chhuak hma kan ni. A hmuh kan thlen chuan mi pawh an lo awm nual tawh. Kan nufa chuan tuiah kan cheng a, tui chuan min rawn theh leh thin a, theh let vein kan hlim viau mai. Pool sira thu chung chuan naupang dang nena an infiam chu ka thlir reng a, hlim taka a nui hmel te chuan Hriatpuia min hriat chhuahtir a, ka ngaihtuahna chu duh lo in ka rilru la peng thei tur thil ka ti zawk. 

In kan thlen chuan kan inbual tha leh a, a hritlan ka hlauh avangin ka tleuh thuak thuak a, thawmhnaw ka haktir lai pawh chuan a muthlu titih a, a infiam nasa bawk a, a chau ve hle a nih ka ring. Ka inbual ve nghal a, kei pawh chu ka chau ve viau mai, a kalna kawng ringawt pawh kha chauhna tham a ni. Mu chung chuan vawiinah thla kan lak te chuan ka en kual a, hmuhnawm ti zeta ka en lai chuan thil mak tak mai ka hmu ta tlat. Thlalakah chuan hmeichhe pakhat hian Ruatsanga hi a lo en reng a, thlalak dangho ka en pawh chuan ka fapa en thla niawm hrim hian a lo lang tel zel mai mai a, ka ngaihbel mai mai zawk nge ni.

Mask a vuah a, a sam sei tak chu a thlah a, a hmunah khan hetiang awm mi ka hmuh awm reng reng ka hre lo. Midang lo awm ve te pawh kha tumah ka ngaihsak lo a, tute nge kal ve midang tumah kha ka hre lo bawk, Ruatsanga infiampui naupang ho kha an ni deuh mai. Thlalak chu ka en reng a, naupang dang zinga tu emaw ber chu a fapa a ni ang nga, an infiam lai a lo thlir ve a nih ring chuan ka ngaih ka ti tha chawp a, ka muhil dawn siar siar tihah kan kawngka kik thâwm ka hria a, a tirah phei chuan keimahni kan ni lo zawk emaw ka tia, Mami tih loh kha chu in leng kan nei ngai mang lo a, Ruatfel kha a ni leh mai a, Ani erawh a zin thung, a zinna tur a sawi lo a, ka zawt hran lo bawk.

Sana ka en a, zan dar 8 chauh a la ni, mak ti ru deuh chuan ka tho chhuak a, kawngka ka hawng tur erawh ka tim deuh tlat a, hawng mai lo chuan thâwm ka ngai chang leh ren rawn a, an rawn kik zui tawh si lo, hawn pawh tum lem lo chuan mut leh mai tumin ka inher a, room ka thleng tep tihah chuan a chumin a rawn chum a, ka phu nasa viau mai. Kawngka chu ka melh reng a, ka tha a khur a, ngaih that lohna chuan min rawn man a, misual an nih ka ring nghal hmak tawh. Kan inchungten thâwm an rawn nei miah lo chu mak ka ti viau mai, pawn lama thâwm a rin tehlul nen.

Kawngka chu a ri leh bur a, insual thâwm awm niawm tak leh kut inthlak ri ka hre thei a, mipa rum nghut ri ka hre bawk. Zawi muang chuan kawngka lam pan chuan ka kal a, ka tha khur nasa lutuk vang chuan ka kal sâwt lo hle a. Ka hawn mai ngam loh avang chuan ka ding leh rên râwn a. "Rinte", Hriatpuia aw ngei chuan a rawn ti a, ka thin phu nasa lutuk chu a phut nasat belh ni mai in ka hria. "Rinte", min rawn ko leh a, kawngka chu ka hawng ta a, zau tak erawh chuan ka hawng ngam lo. 

Hriatpuia hmel rum tak ka hma chhawn a, a bulah mipa pakhat a let ngat bawk, chu pa chu Hriatpuia sawisak a ni tih ka hre nghal mai a, a hmui leh hnar velah te chuan thisen a kai a, Hriatpuia ka en leh a, ani erawh a him pial thung. Sawi mai tur ka hre lo chuan ka ding ngawi reng a, amah zawk chuan "I tha em", a rawn ti a, a âwah chuan lungawi lohna nei ang mai a ni. Ka lo bu nghut a, tawng chhuah pawh tum ila ka theiin ka ring lo a ni. A kerawh ipte atanga phone phawrhin a beng bulah a dah zui a, "Rawn hruai rawh u", a ti bul hmuk a. An chhanna pawh ngaihsak zawm lo chuan a dah zui nghal daih a.

Stepah chuan mipa pahnih hi an rawn chhuk a, Hriatpuia ang chiahin a dum vekin an inthuam bawk, kan hmaa mipa let hlawm reng chu an zawn a, an kal hma chuan pakhat chuan Hriatpuia chu a en a, pakhat lah chuan a lo buk khum nghut a, an kal liam lai chu ka thlir a, ka darah a rawn khawih tu an awm avang chuan ka phu zawk a, a lo kal hnaih lai reng reng ka hre lo. Min en chuan a nui sup a, a hmelah chuan chau hmel ka hmu, engah a hmel chiang taka a hmuh takah phei chuan a hma aiin a lo cher deuh tawh a, a mi hipna erawh a nasa zual sauh a ni tih ka hmu chiang zual a.

"Ka lo lut thei ang ngem", a ti sup a, chhang lo chuan ka en reng a, a mit a kan ak a, harh chhuak thut ang mai chuan "ka.. ka.. kan mu tawh", ka ti bah nak a, ka tawng dan vang chu nge ni a nui leh suk a. "Khawngaihin", a hmel ka en chuan ka hnial hreh tlat a, a sawi ang ngei chuan ka khawngaih bawk, hnial lo tura min duhzia pawh a hmelah chiang takin ka hmu thei. Engmah sawi lo chuan ka lut a, min rawn zui lut ve nghal a, kawngka a kalh zui daih bawk. Hei erawh kan chen dun lai atanga kan tih dan than a nih avangin mak ka ti lem lo.

Coffee a in lai chuan a piaha chair-ah chuan ka va thu ve a, dawhkan bawhin inhmatawnin kan thu a, keimaha ka chhuan vena lai tak chu ka in control thei lutuk hi a ni, tunah pawh chu chu hmang tangkaiin a hmelah chiang zetin ka melh a, "nichina thil thleng kha sawifiah rawh", ka ti a, ka âw pawh a pangngai viau mai. Min chhang lo chuan coffee chu a in leh phawt a, ka zawhna chu a beisei sa tih a hmela danglamna awm miah lo chuan a tichiang.

"Rawk tumtu che ka rawn sawisa a ni kha", awlsam zet hian a ti a, mit meng dam thlap hian min melh bawk, ka nui sak a, "I rawn tirh pawh a ni thei a", ka ti a, "kha lam kha chu i ngaihdan dan a ni mai", a chawl dat a "thu ka ráwn che a, chhanna hre turin ka rawn kal", a ti a, ka ngaihtuah a, chutiang awm ang ka hre hauh lo, "I eng thu ráwn mah zawm tur ka nei lo, i haw thei tawh ang", ka ti a, ka awki ti sang lo turin ka inthunun mek a ni, ka thusawi nem nghet nan kawngkhar lamah ka tle zeuh bawk.

"I duhdan ka zah sak thin che a, tunah pawh chutiang chu ka la ni reng, mahse i hriat loh thil tam tak a awm a, tunah sawi vek theih pawh a ni lo, tun atana tha ber chu in rawn kir leh a ngai a ni. I pawm lo ang tih ka hria, mahse i duhdan leh ngaihdan kha ngai pawimawh ber lo la, kan fapa himna tur pawh ngaihtuah tel rawh", a ti dap dap a, "kan fapa" a tih lai chu ka helh viau bawk. Mahse a sawi ang deuh khan ka fapa ka ngaihtuah tel a ngai a, ka duh lohna lan tir ka tum lo a ni.

"He inah hian kan him a, nang i rawn lan atang chiah khan buaina kan nei, awm lo la chuan nunphung pangngai tak kan nei leh thei a ni mai, i tih tur chu i hriatthiam mai ka ring", ka ti let ve salh a, a mit meng a danglam zawk a, mahse a rei lo lulai em a, eng nge a nih ka hrethiam lo, ka hmu sual zawk pawh a ni mai thei. "Hahdam taka i awm theih lai hi chuan hahdam rawh, nakinah erawh i buai viau dawn a nia, mahse chutiang a thlen loh nan chuan ka theih tawpin ka venghim ang vek u", a thu sawi chu engmah a awmzia ka hre lo. 

Hre turin zawhfiah ka tum lem lo bawk, min hrilh a la duh lo a ni tih ka hrethiam a, peh hel takin ka inven theih nana min hrilh a ni tih ka hre bawk, kha leh chen kan lo cheng dun ve tawh a, ka hrechiang lo deuh pawh a ni mahna, mahse a mizia leh duhdan erawh ka hre hneh ve viau mai, a chin than thil tam tak pawh. Ka ngaihtuahna chu duh lo in ka lu ka thing a, a lo buk suk ka hmuh chuan ka ngaihtuahnate hi ahmu tlang thei emaw ni ka ti hial. 

A tho a, eng nge tih a tum tih ka ngaihtuah hmain ka bul a rawn thleng a, ka chalah a hmuiin a rawn si a, chu chuan a thusawi te kha ring turin min duhzia a lantir ni maiin ka hria. Ka lo dawh mawl tawp a, a inlahrang a, choka atangin a chhuak a, khaw nge kal a tum tih ka en a, a haw dawn a nih ka ring a, mahse ka rin loh deuhin room lam a pan ta mai, ka thutna atanga thoin ka va tlan titih, a banah ka man a, "eng nge i tih dawn", phawk ang reng takin ka ti a. 

A bana ka manna ka kut chu a rawn vawn hnan a, "hahdam rawh, ka fapa ka hmu lawk dawn", a ti dam dap a, kei pawh hi eng thil nge ka ngaihtuah ber pawh ka hre tawh lo, a thu min hrilh ho khan ka chhungrilah chiaina nasa tak min siam a, chu chuan min tibuai lutuk a, ka hlauhthawnna ka thup seng meuh lo chu a ni. "A muhil tawh", ka ti zawi ruih a, ka sawi a hre phak a ni tih erawh a nui suk dana ka hre thei. Ka kut ka la let a, a ni pawh room lam panin a kal zui nghal a, kei erawh va lut ve duh lo in thutthleng lam ka pan a, inkuangkuah atin ka thu a, ka bawp ka khawkherh bawk.

A thu sawiho ka ngaihtuah kir a, kei hian eng thil nge ka tih sual, tu lakah nge min venhim a tum tih te ka ngaihtuah a, tlang takin min hrilh ni se chuan tu lakah nge inven kan ngaih tihte ka hre tur a nia. Chu tiangin a ti si lo, tu pawh mai hi hnai lo turin min duh ni berin ka hre tawh. A thu sawiho kha ka thinlung hian a ring thlap a ni, rin hlelhna ka nei lo, khang kan chen dun chhung zawng khan thil ho lam tak a buaipui ngai lo a, mize nghet tak nei mi a ni bawk, min hmangaih lo tih pawh kha a thup ngai lo bawk, a hnen atang khan nupui ka nihna ang a ka dawn tur zawng zawng ka dawng vek a, hmangaihna tih loh chu, ka thaw hawk a.

Ka rilru hi a dam viau tawh a sin le, a rawn inlan thar leh a, a ngai ang bawkin ka ngaihtuahna a tibuai leh tawh a ni. A diary kha ka ngaihtuahnaah a rawn lang a, mak takin amah khawngaihna rilru ka pu ta tlat, ka chunga a thil vanga haw tur ka nih vei nen, huat a hnêkin khawngaihna rilru ka pu chu a nia. Kha tih hun chhung khan a hmangaih miah loh bulah a cheng a, ka bula a awm lai pawh khan Angela laka inthiam lo ngawih ngawihin a awm ka ring a, fa a duh vanga ka kiangah awm mai mai kha a ni si a, kha ni engkim ka hriat chhuah ni khan engmah kha lo hre lo law law ni ilang chuan nau ka pai a ni tih te kha a hre ve tur a nia. Keimah ka nih vanga a ni lo a nih pawn a fa a nih vang tak pawh khan a hlim dawn a ni tih ka hria.

Room lam chu ka thlek leh thin a, a rawn chhuak har ka ti kher mai, eng nge maw a va tih chen chen ni. A tirah khan ka lo zui lut ve law law lo a ni, ka thu leh lak lawh tawh si, ka awm dan chu a laklawh kher mai, sana ka en a, darkar chanve a liam tep tawp. Ka insum thei tawh ngang lo chu ka thutna atanga thoin room lam chu ka pan a, ka in a ni tak lo emaw tih mai tura dim hian ka kal them them a, ka luh dawn chuan ka insiam that vat a, ka luh pah chuan "i va rei", an lo awmdan vang chuan ka tawng tawp mai mai, tih leh mai tur hre loin ka melh ta reng mai.

Hriatpuia chu Ruatsanga bulah mu in, Ruatsanga chuan a ban a kham a, Hriatpuia chuan a kuah bawk. An muhil hmel chu ka thlir a, an muttui hmel kher mai, ka pan hnai a, khumah chuan ka va thu a, an awmdan chu an hmuhnawm tak zet, he thil hi ka suangtuah fo thin, a thlen ka rin ngai loh kha a ni a, mahse hei ka hmaah ka mit hmuhah a thleng ta chu a nia, rilru a hnim ruih mai. 

A riak dawn tihna nge maw ni, a dik chiahin ka hre si lo, haw turin ka phal si lo, a muttui lai chu ka kai tho hreh a ni ber, an bulah chuan mut ve ka chak hle bawk. Ka kut chu zawi muang hian ka lek kang a, ka lo tih fo thin ang a Hriatpuia sama zuk khawih mai ka tum chu, min dangtu awm dang mai hian ka khawih thei tlat lo. Ka kut chu ka la let a, sitting room lama mut chu ka tum ta zawk a. Sin tur ka la a, an muhil lai chu ka thlir leh zet hnuah room chu ka chhuah san ta a. 

Ka mut fel hnu pawh chuan room lama awm ka hmangaihte chuan ka rilru an luah ta reng a, ka tum loh deuhin ka mittui a rawn luang ngiai ngiai mai. Thil hlui ka ngaihtuah kir a, Hriatpuia khan fahrah ka nihzia a hria a, retheihna a ta min kai chhuak bawk. Mahse a ni chuan min neih hma atang khan duh a thlang fel tawh a, kan fa chu fahrah ni turin duh a thlang a ni. Ka tawrh ang kha ka fapa hian a tawrh ve ka phal lo a, mahse chu chu ka dan theih a ni lo, engkim a thlen tak hnu khan chuan 'nu a nei tak alawm', tiin ka inhnem a nih kha.

Ka lo muhil a ni mahna ka taksa kâng chu ka hre thei a, meng turin chakna ka nei tawh lo, khumah chuan dim zetin min nghat a ni tih pawh ka hre thei, ka muhil zui leh chu a ni mai. 

Ni engin ka mit a chhun en siar siarah chuan ka harh a, ka kawngah chuan tu emawin min kuah bet tlat tih ka hre thei bawk. Meng mang lo chuan insiam remin ka kuah let ve a, hmui lum thar tharin ka chal a rawn sik chuan ka nui sak a, chutah zawng ka harh chiang ta hle mai, Hriatpuia chu ka en vat a, nghet zet hian min kuah bawk. A thawk danah a muhil tawh lo tih ka hre thei, ka sawi dat dat a, a che duh thak lo, ka tawng chuan Ruatsanga a harh ka hlau a, hetiang teh hrep a kan awm hi a hmuh ka duh lo a ni. Ka lo sawi na deuh nge ni Ruatsanga chu a rawn rum tuah tuah a, ka che chu ka tawp chat mai, a harh dawn emaw ka ti hman a, a inlet thak a, a muhil zui leh mai, ka lo thaw huai a.

Hriatpuia ka en leh chuan nuihzat hmel zet hian min lo melh a, ka tawng chhuak ngam si lo chu ka melh rum hle ringawt tawh. Thawh ka tum chu min kuah nghet zual sauh a, ka han melh rum tha leh a. "Tal tal suh Bawiha i ti harh ang", a ti a, a harhna a rei tawh a ni mai thei, tho phang aw ka hre tlat miah lo. Ka mut hlanin eng thil nge a tih ang, awiiii ka ngaihtuahna vang chuan ka sa awp awp mai. A va zia lo tak!

A lo nui suk a, ka hmel erawh a hmel letling thawk chu a nih ka ring, "ka mut hlanin eng thil nge i tih", zawi zet hian ka ti a. Thawh tuma ka tal leh chu a malin min kherh bet a, min kuah tlat bawk si, chet ngaihna a awm tawh lo. "I hnute chu a va thang tha ve, a hma aiin a lian daih a nia", min nuih zat hmel deuh hian a ti a, awi a thu sawi te lah chu, fiamthu angin sawi mah se, a awmdan en hi chuan a khawih tak tak ka ring, ka va han mu nghet awm em em.

"I khawih em", ka ti sehchilh nak a, a la nui reng a, "khawih lo i la ka sawi nâng, a hma aiin khawih pawh a nuam zawk daih", te chu a la ti tak deuh deuh a, ka biang a sa hat hat a, chu mi thup hnan chuan han chum mai ka tum a, ka kut a ti che tha thei si lo, ka melh rum leh ringawt a. "Thinrim lo la, a hma pawh khan khawih a nuam tho a nia", a ti tha leh a, tih ngaihna hre lo chuan ka awm tawp tawh. Ka mit erawh chuan indo hial ka ngam tawh tih a tilangin ka ring. Ka melh rum leh lutuk a, ka mit pawh a thip thum tawh.

Ka mit ro tawh lutuk vang chuan ka chhing ta ngawt, ka rin loh deuhin a hmui hum ham hmain ka hmui a rawn si a, ka hamhaih lutuk chu chet ngaihna pawh hre lo chuan ka lo dawh mawl tawp a, ka che eih lo hrim hrim. A hmui chu zawi muang hian a ti che a, ka chhan loh vang chu a ni mahna a in la hrang a, a che hrut a, a tho dawn emaw ka ti hman a, mahse a hmui lum ham ham chuan ka nghawngah a rawn fawp a, zawi muang hian ti che a, a lei a hman tel takah phei chuan ka awmdan danglam tan chu ka hre thei, ka hnawng chu a fawp kual zel a, thâwm ka chhuah loh nan ka hmui ka pet fan fan a.

Ka taksa tang at chu ka thlah dul tial tial a, a awmdan chuan min thunun vek tawh ni berin ka hria, ka kut a man behna chu engtik laiin nge a thlah pawh ka hre tawh lo, ka kawr chhungah a kut chu a rawn zen lut a, ka hnute chu ka bra chhanah a hum a, a hrawm nawk nawk bawk. Chu chu duh khawp loin ka bra chhungah a zen lut leh a, ka hnute hmur chu a kut zung tangin a chhep hrual a, insum hman loin ka thaw hawk mai. A ni pawn ka awmdan chu a hai lo tih a chet uar sauh danah ka hria. 

In thunun ka tum pauh leh ka tum venate chu min phelh sak leh mai thin a, ka nghawng atang chuan a hmui chu a sawi thla zel a, ka kawr chhanah ka hnute chu a rawn fawp a, in rawn en a, a mit mengah chuan min mamawh tih chiang takin ka hmu thei, ka mit meng pawh a dang vak chuangin ka ring lo, ka awmdan chu ka duh lo tak zet. Min melh reng chuang chuan ka kawr chu a hlim chho a, dan pawh tum lo chuan ka lo melh reng ringawt. Ka hnute chu chu a melh a, a thaw hawk mai, a ka chhung lum ham hamin a rawn hmuam a, leh lam pawh a kutin a kalsan lo, a hrawm leh nawk nawk zel.

A lei chu zei zet hian a chet kualtir a, ka tum loh deuhin ka lo rum nghut mai, chu chuan a tiphur zual a ni tih a chet uar sauh danah chuan a tilang bawk. A taksaah chuan a kut chu a vah kualtir leh thin a, ka kekawr kawng a pawt thla tur chu ka harh hawk ni maiin ka hria, a kut ka vawn hnan vat a, a che chu a tawp ve chiah bawk, "kan thei lo", ka awi teh hrep pawh chu, men erawh ka meng ngam hlawl lo a ni. Ka awmdan zahpuiawm zet chu ka zahpui a, chumi tizual tur chuan a hmel ka en ngam lo a ni!

Ka nghawngah chuan a hmei a rawn phum a, a che lo a, inthunun a tum a ni mahna, zawi muangin ka meng a, a rawn dak chhuak a, a hmai chu a sen tai deuh a, duhawm tak a ni. Hei hi a lawm min ti lawm thin em em chu, ka duh lohna ka tihlan chuan min tilui ngai lo, a tana a harsat turzia ka hriatthiampui zo lo a, min nawr ni se chuan ka hnial zo lo mai thei. Mahse a ni chu harsa ti chungin a insum hram hram thin.

Ruatsanga a harh lo hlauh chu ka lawm ang reng, harh se chuan kan lo awmdan teh hrep kha a. A hmel chu ka en a ka nuih ta ngawt a, thawh ka tum chu min dang tawh bik lo a, a ni erawh chu a awmdan ngai chuan a la awm ta reng a, a bawk khup tlat bawk. Ka nuih za ta lutuk chu ka nuih hak a, min rawn melh vut a, a lawm hmel loh ngang mai, a hawi sawn daih bawk. Nui var var chung chuan room ka chhuahsan a, ka pasal a ni tawh lo tih ka hriat chhuah rual erawh chuan ka nui tawp chiang hle thung. 

Thingpui ka insiam siam a, Hriatpuia tan erawh coffee ka siam thung, ka lo chet melh melh lai chuan room atangin a rawn chhuak a, kawr a ha lo a, kekawr erawh a ha thung. A hmelah chuan a pangngai leh vek tawh tih ka hre mai, kei erawh chuan kan chet dunna vang khan ka melh tha ngam chiah lo a, ka hawi sawn nghal daih bawk. 

Inbe lem lo chuan kan in a, chu tia kan in mawlh mawlh lai chuan, "a nu min kai tho miah lo", rawn titu lam chu kan hawi rual a, Ruatsanga pawh midang a hmuh tel vang chu a nimahna a ngawi leh ta daih a, ka thutna atanga thoin ka pan hnai a, ka pawm a, "i hmai phih ang aw", ka ti a, min chhang lo chuan a pa chu a melh meng a, ka hmai chu ka phih sak a, ka hruk hul leh hnu chuan Ruatsanga thutna opposite, nichina ka thutna ngaiah chuan kan va thu a, a zak ve deuh a ni mai thei, a pa chu a melh reng bawk.

"A nu", tih pah chuan min rawn en a, a pa lam chu a hawi leh a,zawhna a nei tih ka hrethiam mai a, "Ruatsanga i", "keiman ka hrilh ang", ka tawng lai chu min pawt chatin a lo ti a, ka thawn hawk mai. A inpeih hunah hrilh chu tum ve bawk mah ila, keimah ber hi ka inpeih hlei thei lo chu a ni ber. 

"Bawiha lo kal teh", a fapa chu enin a ti a, a âw a zângin ngaihthlak a nuam viau bawk. Ruatsanga chuan min rawn melh a, ka phalna min dil a ni tih ka hre thiam, ka lo bu nghat a, a pa lam pan chuan a kal a, a va thlen chuan Hriatpuia chuan a lo pawm tharh a, room lam a pan pui ta daih a, an va in hrilhfiah dawn a ni mah na.

End of Chapter 10.

Ps- Treatment ka la a, ka damdawi ka rui thin bawk si a, ka rawn dah vat thei lo a, ka inthlahrung sêng zo zai tawh lo. Mahse ka lawmna deuh chu min hrethiam thin hlawm lutuk hi a ni, lawm thu sawi bat ka tum lo a, ka hrilh nghal mawlh mawlh che u a ni.🌷